AGENDA

O barrio de San Roque únese ás Festas de verán de Pontevedra cunha programación propia asociada á música. Os veciños do que fora o arrabalde mariñeiro da cidade, coñecido como A Moureira, converten a praza dos Irmáns Pazó Montes nun auditorio o ar libre entre o 3 e o 7 de agosto.
A organización é da Asociación de Veciños de San Roque que aposta por unhas Xornadas Musicais para animar ao barrio e promover o sentimento de veciñanza e a relación inter xeracional. Para acadar estes obxectivos actuarán, nos días sucesivos e sempre a partires das 20.45 horas, as seguintes agrupacións: Orquestra do IES A Xunqueira I, Trío Nostalgias, Airiños da Peneda, Banda de Música de Pontevedra e Cantadores Tradicionales.

Nenos No Jazz. Orquestra do IES A Xunqueira 1 de Pontevedra